失去先覺可惜

日劇大網被收皮，我先發覺好想睇嘅都未睇完／開始
人生唔同年代日劇都係突破口
睇完先覺得有動力
喂阿哥，我真係唔介意畀錢
香港可唔可以搵個KKTV

近排成日諗起當年係美國點點點
所以我要睇《派遣員的品格2》！

好耐無寫

好耐無寫，自從無做報紙之後就好似咩都寫唔出，似乎原因有二：
一：當年每日寫幾千字，真係配額用晒（我知好多人未用晒，每人配額唔同）
二：世上太多高手太多好內容，自愧不如無謂獻醜+浪費時間＋浪費地球資源
又其實，最大一個問題係冷感。相比大學時代做熱血青年，而家變咗看透世事犬儒（其實唔知係唔係咁講）毒撚。


但近排放疫假加上事業失意，好想搵啲嘢做下
又睇下會唔會有嘢出
寫返嘢感覺好似年青啲
又其實，諗都無諗過自己33歲都仲係咁on9

見工失敗如失戀

2019年兩次見工失敗後，就好似跌入時空穿梭劇情一樣
每次沖涼時畫面就會不斷loop不斷loop
如果果條問題答第2次，我應該點表達會好啲？
如果我再準備好少少，今日係咪已經係第二度返工？
阿貓話做人無如果，但做人最喜歡諗如果

我不能否認有時會諗
當年情人節係咪應該送花？
其實又係唔係要求婚？
其實你知唔關事
當係你仍然會諗如果