1. 睇完《緣路山旮旯》，無影評，只係想講女。
2. 對我來講，岑珈其不是這套戲的主菜，作用其實就好似溝女game嘅男主角咁，佢係必要存在但其實佢人設唔係重點。
3. 戴返頭盔先，（因為今時今日講岑珈其非正面嘢後果可以好似好嚴重），我由《烈日當空》開始睇岑珈其，一直鍾意睇佢（用老屎忽tone去演繹以上內容就係「佢一出道我就留意佢」），佢係《緣》入面表現我亦覺得幾好，但都係果句，佢個角色無咩好講，就係後宮片男主角。
5. 蘇麗珊：利申先，我好鍾意蘇麗珊（同類利申往後會再出現3次），鍾意到我可以睇完《逆向誘拐》都無投訴果隻。蘇麗珊個角色出場時間唔多，基本上就兩場對手戲，但佢係呢套戲入面我最鍾意嘅女角。鍾意睇佢係岑珈其車上面沉默嘅神態，外表閪面但其實表現到果種無米粥嘅感情。每次講嘢時撚狗咁撚男主角力度啱啱好，主導得嚟唔會變成八婆（其實只要夠靚就唔會係八婆）。可惜第二場戲畫蛇添足，多謝來多謝去其實不過要幫呢段故事埋尾兼表現主角成長，但都係返去最開始果point，個人對於男主角成長與否其實無興趣（另一個原因係因為個故仔係男主角成長部分寫得唔好）。
6. 講完蘇麗珊，之後係港女梁雍婷。先利申，我睇完《藍天白雲》就鍾意梁雍婷（繼續「係啊，我由佢出道作就開始J佢」）。相較梁雍婷個人，我更喜歡角色本身，喜歡她那種喜怒形於色及一言不合就開屌的性格。由佢鬧男主角住屋企人樓仍要以有交租而自豪嘅自衛式發火，到「點解要比貼士」果種無理取鬧，都演到一個有血有肉嘅港女。呢一種真實係成套戲其他女主角無嘅（余香凝的角色too good to be true、陳漢娜似乎係一個唔會屙屎嘅女神、蘇麗珊好一點但無足夠描寫，最後的張紋嘉雖然力求「現實」，但其角色重點似乎只有帶出一句點醒主角的金句）。全戲我最鍾意一幕就係佢同岑珈其在車上分手之前果一句「咁都要諗啊？」，由對白設計以至演出都真實得殘酷。岑珈其當時的停頓，其實都表現咗港女並唔係佢杯茶。總結係，走寶。
7. 全劇我最唔明白嘅位在於，岑珈其提出點解只係星期日（好似係）先可以去梁雍婷屋企，而她一副身有屎的表情，加上同明星仔食飯一段，明顯是希望觀眾覺得她偷食。但係分手果一幕佢又表現好傷心去嘗試為角色「洗白」（我用洗白好比較易理解，但其實我覺得有明星食明星好正常，一啲都唔黑）。呢一點，我都幾期待將來有機會二刷嘅時候會唔會睇到之前睇唔到嘅嘢。
8. 到講拎到金馬獎提名嘅余香凝。先利申，我睇完《骨妹》就鍾意余香凝（不過睇返wiki佢應該2014年已經開始拍港台劇，白白錯失佢3年），到睇完《逆流大叔》發現佢（好J程度）真係更上一層樓。係余香凝個人吸引力令《逆流大叔》入面潘燦良忍唔住錫落佢塊面度果一幕癡線得來合理（如果你無遇過一個女仔靚到你忍唔住差啲錫落去，係可惜嘅）。關於我J余香凝的前世今生以後再講，想講其實係咩姐同佢嘅演繹。
9. 咩姐呢個角色，實在太完美，一出場已經係斯路完全體，亦因為咁所以先出戲。首先佢靚，定位上已經靚到可以拍廣告做明星的級別。用戲中standard，陳漢娜的文青女神定位大概是學界水平，而咩姐就是港超聯級別。成套戲不斷努力表現佢嘅傻點：細心體貼（買嘢食探病）、麻甩不拘小節（當眾挖腳），最攞命係甚至會主動同你搞那些曖昧的小動作（捉手、頭探）。咩姐定位上近乎沒有缺點，再講一次係樓上提過的too good to be true，好可能亦因為咁男主角雖然成套戲都行緊桃花運，但都無諗過自己可以跳咁多級打大佬。
10. 正正因為太完美，令我覺得咩姐唔真實，所以私心排行榜入面唔高分。但講還講，余香凝演繹又真係幾到肉，至少畀到我覺得佢真係想溝岑珈其，而且係滿足晒所有毒撚願望果種溝（典型動漫式，唔明麻煩由桂正和嘅《I”s》睇起）。
11. 咩姐最有趣嘅地方在於最後一段扮嬲扮唔受溝（其實七分假三分真喇）嘅狂轟，「你咪又係睇住我比人姦」呢啲對白我唔知點解編劇可以寫到出嚟，我以為地球上得我一個有唔送女仔返屋企佢就會畀人姦嘅妄想症。
12. 仲有一句我講得講佢得好啱，「你咪又淨係識鍾意靚女」。真係只有靚女先係真理，性格幾好都無用，正如男人有錢先係真理，靚仔真係無用。
13. 寫咗一大段，對得佢女主角身份（金馬獎提名話係最佳女配角，即係套戲無女主角）。利申，佢角色設定上真係好好J，不過啊叔年紀大，知道呢個世界唔會有（或者有，不過這些機會）。現實中，余香凝老公都唔係岑珈其。係啊，早啲訓喇咁多位柒頭，唔好以為自己係毒撚會有女神會欣賞你真誠正值善良純品，正正經經學下炒股票可能仲會有少少機會。
14. 陳漢娜，好J，不過僅此而已。角色太離地作狀，主動得太超現實，不過陳漢娜文青look真係好好J，百J不厭（同洛賓的軌跡一樣，一招就夠），多謝導演提供多個大頭鏡頭。
15. 張紋嘉，全套戲我唯一唔鍾意嘅女，不過都唔特別憎。存在目的就係一句「我其實就好清楚自己要啲乜，但你呢？」私心如果拍續集或者重製可以搵湯怡去做，恨嫁角色應該carry得好好。
16. 睇完套戲，即時諗起經典溝女game《Sentimental Graffiti》，一個地方一條女嘅概念應該就係咁嚟。
17. 如果拍續集，麻煩搵埋蔡思韵、Kayan9896、陳嘉寶、蘇皓兒同吳海昕。故事都諗好，岑珈其撞車死咗，新男主角係喪禮識晒班女。係，條橋都係《Sentimental Graffiti 2》到抄返嚟。
18. 最後總結係，套戲好唔好我識條鐵，但J我就打咗幾次，soundtrack我都loop緊同訂埋碟（畀人屌我癡線）。
19. 想二刷，時間有啲難搞，等出碟再瘋狂睇。
20. 《緣路山旮旯》票房目前只係收千零萬港紙，係當前港產片狂潮下真心唔合理。我未睇《飯戲攻心》，但點都唔會係佢5、6倍好睇掛。呢個陣容，當支持（唔講J咁嘔心）本地年輕女演員都至少值二千萬以上。得罪講句，《阿媽有咗第二個》都收近四千喇，嬲。
21. 電影宣傳口號係「香港真係好靚」。坦白講我係戲入面唔算好感受到，改為「香港女仔真係好靚」更貼切。
