別三浦春馬

三浦春馬自殺去世，我驚訝難過，但情緒起伏不大。

無可否認的是，我大學生涯的回憶滿滿是他。

剛到美國那時，無車無（好多）朋友，每日只能係房hea。陪我走過最困難日子的，有《14歲之母》，雖然我當時對志田未來的印象比較深。

我記得那年情人節我失戀（as always），download了一堆日本愛情電影，《戀空》就是其中之一。

人軟弱時就反常，事實是我一向麻麻純愛啊，但當時就瘋狂搵呢類戲填補。

但《戀空》我一直放在我harddisk無睇，我把之視為最後武器，那一天情緒搞唔掂先用。奇怪係，之後再失戀，情緒嚴重搞唔掂，都無用到。好吧，這個credit要歸容小姐。

之後想到係《血色星期一》，其實我鍾意嘅係題材。生化武器、駭客同恐怖份子，就咁聽都吸引。當然套劇去到最尾成功令呢3件事抄埋好唔吸引，這是後話。重點係我真係食晒兩季。

又其實，呢套劇特別在於當時我係美國住New Castle間大房睇，我永遠會記得果時識小月姑娘。講真今日已經無再沉船，但我會記得。

返到嚟香港，其實已經無點睇日劇，但佢同佐藤健仍然會係我比較留意嘅男星。

唉就咁，希望大家都會去到更好的地方。